Ang huwad na gintong salita ay lasong nagpapanggap na bitamina.
Ito'y bulaklak na walang halimuyak.
Daanang payapa, at sa dulo'y bitag.
Ang salitang madungis ngunit makatotohanan.
Na kasing itim ng karbon ay tanggapin.
Sa paglipas ng panaho'y diyamante ay mapapansin.
Parang apoy na nakakapaso, ngunit nagbibigay liwanag.
At susunog sa tulay na marupok.
Ang gantimpala sayong hubad na salita.
Ay pagtanggap ng sampung kidlat na tutupok sa posas ng kahinaan.
Ang tutunaw ng tingga sa aking puso.
Posts
No comments:
Post a Comment