AT LUMIPAD ANG PUTING UWAK

Sigaw ni JESUS ay sinulid na itim
na babakas sa buhawing may kurbang-
parisukat.
Kung kahit ang bubong duduyan sa esterong
may gulong na nakakabara sa lalamunan.
Ano ka ngayon?
Paglaruan ang uling na lilinis sa telang pinunas
sa pagmumukha, walang pawis.
Mas malakas ang bulong ni SATANAS
kesa sa sigaw mo.
Ang ininom ng hinukay na mga mata
ng sangkatauhan.
Hinugot ang kaluluwang sumasayaw-
sa kamalayan ng WALA naman.