Hindi sa inungkat nitong lalim ng lalim;
gamit punlang marupok, pawis lagatak.
Hindi sa nahuling dati'y malaya;
magsilbing kinang, sa katawa'y palamuti.
Hindi sa latag ng lirikong kaakit-akit,
susunod sa hangin, kung saan-saan liliwaliw.
Hindi ang susupil sa kamalayan;
lalamunin itong kaluluwa, dala ng iyong bulong.
Hindi ang katotohanan ang lahat;
hindi sasanib sa likuran ng tunay.
Hindi itong wala ang maglalaho;
lahat ay wala, ulap lamang ng iyong katotohanan.
Posts
No comments:
Post a Comment